Partidas Rolda 1

Na primeira rolda do torneo, curiosamente, non houbo ningunha sorpresa gañando todas as partidas os xogadores que tiñan maior elo en todas as mesas.

Nas primeiras mesas os que tiveron máis problemas para resolver foron Walter e Anxo Penalonga.

Na mesa 1 Alejandro Arias sacrifica un alfil por dous peóns a Walter, un cambio que normalmente non é bo e aquí tampouco o foi, pero a Walter, un pouco confiado, de tanto simplificar a posición a pouco máis non lle queda con que gañar. Ao final prevaleceu a táctica.

Os problemas de Anxo Penalonga vs Alvaro Filgueiras foron máis ben co tempo xa que chegou a estar cun minuto e medio durante bastantes xogadas, non obstante a posición era de clara ventaxa.